10 февраль көнне Кызыл-Мишә авылы үзешчәннәре "Хезмәтемдә юлдаш җыр һәм бию, Тормышымда юлдаш моңлы көй” дип исемләнгән иҗат-отчет концерты белән Олыяз авылы мәдәният йортында чыгыш ясады. Кызыл-Мишә авылы үзешчәннәрен Олыязлылар бик җылы каршы алды, һәр чыгыш көчле алкышларга күмелде. Аеруча Кызыл-Мишә мәдәният йорты каршында эшләп килүче "Яшьлек” бию төркеменең биюләрен яратып кабул иттеләр. Соңыннан Олыяз мәдәният йорты мөдире Илүзә Гыйлфанова барлык тамашачы исеменнән Кызыл-Мишәлеләргә рәхмәтләрен җиткерде һәм иҗатларында уңышлар теләде.
