Әле кайчан гына  елга-күлләрне туңдырып, бар җиһанны ап-ак карга күмеп кыш килгән иде. Инде менә Яңа ел да ишегебезне какты. Бу зур бәйрәм  безнең Олыяз авылы мәдәният йортында да бик  күңелле итеп үткәрелде. Бәйрәм программасы җыр-бию, төрле конкурс, ярышлар, уеннар белән үрелеп алып барылды. Узып киткән Куян елында  яңа өйгә чыгучылар, өйләнешүче парлар, шушы елда туган сабыйларның әти-әниләре сәхнәгә чакырылып, аларга Кыш бабай һәм Кар кызы бүләкләр тапшырдылар. Бәйрәм кичәсе салют белән тәмамланды.

                                                                                                                           Олыяз мәдәният йорты мөдире Гыйльфанова И.