2011 елның 28 ноябрендә Саба районында Саба, Балтач, Арча, Яңа Чишмә, Норлат, Апас, Кайбыч, Чистай районнары имам-мөхтәсибләренең җыелышы үтте. Үткәрелгән чарада катнашкан мөхтәсибләр үзләренең тәҗрибәләре белән уртаклаштылар, Саба районындагы рестраврация үтә торган мәчетләрнең торышы белән таныштылар.

Җыелышта ТР мөселманнары Диния нәзарәтенең гомуми бүлек җитәкчесе Ильяс хәзрәт Җиһаншин, республикабызның баш казые Җәлил хәзрәт Фазлыев та катнашты.

Республикабыз Мөфтие Илдус хәзрәт Фәйзов исеменнән Саба районы имам-мөхтәсибе Айнур хәзрәт Әхмәтовның 35 яшьлек юбилее белән тәбрик иттеләр. Өйлә намазын Айнур хәзрәтнең туган авылы Олыяз авылында укыдылар, килгән кунакларга авыл хуҗалыгы җитәкчесе Гыйльфан Хаҗи Әхмәтов хаҗ сәфәре турында сөйләде.