Олыяз мәдәният йорты гомер-гомергә Яңа ел тамашасын-балмаскарадны 31 декабрь көнне үткәрә. Тышкы якка сыннар ясалды,эчтә матур итеп чыршы бизәлде,сәхнәгә төрле төстәге утлар беркетелде.Тамаша 20.00 сәгатьтә башланып китте.Программа бик бай иде.Яңа ел лотореясы да уйнатылды.Концерт номерлары искиткеч иде,алар төрледән-төрле уеннар белән аралаштырып барылды.Тамашага Кыш бабай белән Кыш әбинең килүе дә үзенә бер ямь өстәде.Кыш бабай күчтәнәчләргә бик юмарт иде!Яңа өйгә күчүчеләр,яшь парлар,яңа туган сабыйлар -берсе дә читтә калмады.Юлбарыс елында туучылар да искә алынды.Бәйрәмнең кульминацион ноктасы маскарад костюмнарына конкурс иде.Детсад коллективы белән терлекчеләребез үзләренең бай фантазиясен тамашачыга тәкъдим итте.Аларга Кыш бабай үзенең бүләкләрен тапшырды.Бүләк дигәннән,һәр катнашкан артистка да бәйрәм торты өләшенде. Яңа елны каршылаганнан соң,халык янә клубка дискотекага җыелды.Күңел ачу иртәнгә кадәр дәвам итте.Халык рәхәтләнеп ял итте!
|
