Хөрмәтле авылдашлар һәм хуҗалык хезмәтчәннәре. Сезне чын күңелмнән Олыяз авылы хуҗалык булып аерылып мөстәкыйл яши башлавына 20 ел тулу уңаеннан ихластан котлыймын.Безнең ике дистә бергәләшеп шушы хуҗалыкны үстерүебез,аны яшәтүебез барысыда безнең еллар буе туплап килгән эшчәнлегебезгә бәйле.Без барыбызда югары нәтиҗәгә үсүнең сәбапчеләре.Моңа дәлил булып авыл хуҗалыгы өлкәсендә алган район,республика күләмендәге уңышларыбыз, һәрдаим макталып торучы хезмәтчәннәребез,арабыздан чыккан дистәгә якын "Татарстанның ат казанган авыл хуҗалыгы хезмәтчәннәре"-чын хакыйкать . Олыяз халкы гомергә бердәм һәм тугры хезмәт итте,безнең яулыйачак үрләребез әле моның белән генә чикләнмәс һәм алга таба да югарырак нәтиҗәләргә ирешербез АЛЛАҺ боерса.

  Хуҗалык булып оешу авылыбызга һәм авылдашларыбызга чын мәгънәсендә яшәүгә чын этәргеч булды.20 ел буе үткән дәвердә эшләнгән эшләребез авылыбызны яңартты һәм нурландырды.Мәдәния йорты,ясле-бакчасы,юлларны вакытында карату,авыл халкын эш белән тәэмин итү, һәм бүтән якын тирәдә булмаган авыл алгарышлары бездә генә булды.Нәтиҗәсе тирә-юньгә балкып тручы авыл булды. 

  Безнең киләчәккә авылны ничектә яшәтү максаты төп бурыч.Авыл халкының нинди дә кәсебе булу һәм киләчәк буынны тәэмин итерлек мөмкинчелек мөхим максат. Авылда яшь буынны тотып калып,аларга авылда яшәрлек кәсеп булдыру,туачак сабыйларның санын арттыру авылны саклап калырга кагылган һәр яшәүченең фарызы.Шуңада безнең киләсе көннәребезгә бәхетле тыныч тормыш,яшь гайләләргә бәхетле нарасыйлар алып кайтып үстерегә,гайлә коралмаучыларга бәхетле  гайлә корырга,имин гайләләргә тигез тормыш итеп киләчәктә исән-имин,иманлы тормышта яшәргә насыйп булсын иде!

 ҖЧ "Олыяз" Җәмгыяте җитәкчесе

Гыйлфан Әхмәтов