 Ураза гаете12.10.07
Көтеп алынган ураза да бетте! Буген 12 Октябрь -шушы мөбәрәк айны озату бәйрәме , ягъни Ураза гаете. Бу көндә барча дөнья халкы мөселманнары гаеттә. Безнең авыл халкыда бүген иртә таңнан авыл үзәгенә- АЛЛАХ йорты мәчеткә җыйналдылар. Авылыбыз һәм күрше Пүкәл авылы ир- атлары әлеге мөбәрәк бәйрәмгә купләп килгән иде. Вәгазләр,хөтбәләр, АЛЛАХка мактап тәсбих әйтүләр гаетнең күрке булып тора. Гает намазына кадәр 100 якын кеше җыелып саф-саф рәтләр белән бәйрәм намазын укыдык. Ахырдан янәшәдә булган хуҗалык ипи пешерү бинасында Гает коймагы,җылы чәй, хөрмә җимеше һәм башка күп хәләл ризыклар белән ризыкланып өйләргә таралыштык. Кайберәүләр авыл читендәге зиратлыкка барып якын туганнарының.күрше-дусларының рухларына дога кылып ,зиарат кылдылар. Авыл бүген тулысынча иманлы,якты нур сибеп торучан һәм бик күңелле иде!!!
Бәйрәмнәр котлы булсын!!!
|
